الثلاثاء، 3 فبراير 2009

انت الرابح هالشهر وكل شهر وطووول عمرك بعد


السلام عليكم ورحمة الله وبركاته،،
تحية طيبة وبعد،،
الى السيد/ مدير إدارة الشئون .......... <<<<< حنيت على الدوام وقرائتي حق هالصيغ من الكتب هههههههههه ادري اني مو صاحية بس شسوي صارلي شهر الحين برة الدوام لان عندي دورة

مالكم شغل بالحجي اللي مكتوب فوق ^^^^ لان حده فيوزاتي ضاربة

ماعلينا من اللي انقال ونرجع حق موضوعنا المهم...

محد فينا مايحب يزيد من معرفته
ومحد فينا مايحب ان يكون اهوا اللي عارف كل شي ويجاوب على كل صغيرة وكبيرة عشان يبرز نفسه جدام الكل في شتى المواضيع
ومحد فينا مايحب ان الناس اتكلم عنه في كثرة معرفته لجميع الأمور..

مثل ما انا احب اني أفيد نفسي وأستفيد .. هم انا احب اني أفيدكم وياي

يا حلاة الشعور لما تقعد بين ناس ويتناقشون في موضوع معين وانت تدش وياهم بهالموضوع وتتناقش فيه وتبرز فهاميتك لهالموضوع
لكن اللي مو حلو انك تقعد بين ناس جنك طوفة عبيطة وساكت ومالك حس وماتدري شنو قاعد يسولفون عنه

الصراحة اليوم يايبتلكم خوووووش موقع
اعتبره انا كنز كبييير من المعلومات والمعارف
من خلاله الواحد يقدر يتعرف على اشياء كثيرة مايدري عنها من قبل
وهم من خلاله الواحد يقدر يدافع عن دينه وعقيدته وسنة نبيه
وهم يقدر ان يرد بكل ثقة واعتزاز لما يتناقش بهالموضوع مع ناس ملحدين او ديانتهم غير عن ديانتنا
وهم من خلاله راح يزيد ايمانه بالله سبحانه وتعالى اكثر واكثر

هالموقع فيه إفادة وإستفادة وزيادة علم بأمور دينا وسنة نبينا عليه الصلاة والسلام
هالموقع راح يفيد الكل، الكبير منهم والصغير
وان شاء الله تستمتعون باللي فيه
وان شاء الله تدعونلي عقب ماتستفيدون من هالموقع الحلو اللي حطه الدكتور عبدالدائم الكحيل يزاه الله الف خير والله على هالموقع العجيب
وعليكم بالعافية

هناك 10 تعليقات:

Q8EL5AIR يقول...

كفو الله على راسي :)


اي والله حلو اتفلسف جدام ناس موفاهمه !!
تقدرين " تصروخين " على كيفج :)



الف شكر على الموقع الجميل :)





وتحياتي ..
ويسلمواااااااااااااااااا :)

مش انا يقول...

موقع جميل واللـــه ...
جزى الله القائم عليه وناقله كل الخير

om comment kuwait يقول...

خوش موقع

يعطيج العافية :)

Funny Q8i يقول...

دعيت ربي لج بالتوفيق من قبل وعقب الموقع (:

وللعلم مو شرط اللي يسكت يكون طوفه عبيطه

في ناس ما عندهم القدرة على الاندماج مع انه عندهم كم هائل من المعلومات

وهذي تعتمد على شخصية الانسان وتعاملاته وتجاربه في الحياة

وتحيّاT

BenTBonD يقول...

Q8EL5AIR

يسلملي راسك يالغالي

هههههه ليش اقعد اصروخ على كيفي وآخر شي انكشف على حقيقتي اذا كان واحد فيهم عارف وفاهم بهالموضوع احسن مني وبعدين لازم اكون عارفة بهالشي عدل عشان اوصل المعلومة عدل

وانا شاكرتلك مرورك الثمين ;)





المجهوول

حياك الله اخوي وعدل كلامك يزاه الله الف خير اللي سوى هالموقع المفيد
ومشكور يالغالي




om comment kuwait

الله يعافيج يا بعد قلبي
ومشكورة




funny Q8i

عسى ربي يوفقك بحياتك وبدنيتك مثل مادعيتلي واكثر
وعدل كلامك يمكن اللي يسكت يتعلم من اللي حوالينه ويمكن مايعرف يندمج مع غيره ويتناقش وياهم
بس في ناس ماتدري اللي جدامهم شنو قاعد يتكلمون عنه وهذا اللي انا كنت اتكلم عنه

وشاكرتلك مرورك الثمين

mohammed يقول...

قواك الله على الكلام الطيب ،، وخوش بوست :)

BenTBonD يقول...

mohammed

حياك الله ابوي ومشكور على مرورك الطيب واعجابك باللي كتبته

Ducati يقول...

والله خوش موقع ثانكس على اللنك بس يبيله قعده نتفحصه عدل

:)

BenTBonD يقول...

Ducati

مايبيله شي والله
يعني ماشاء الله سهل بالتصفح وبالمواضيع
خلال يومين انت تكون قاري كل شي
وحياك الله

Q8EL5AIR يقول...

الووووووووووووو!!!


يااهوووووووووووووووووو !!

يااهل البيت !؟ طق طق طق !!

وينكم !!

فاقدبنكم ترى !!

لاحس ولاخبر !!


عسى ماشر ان شاء الله !!

طمنونه !!




وتحياتي ..
ويسلموااااااااااااااااااااا :)