الثلاثاء، 3 فبراير، 2009

انت الرابح هالشهر وكل شهر وطووول عمرك بعد


السلام عليكم ورحمة الله وبركاته،،
تحية طيبة وبعد،،
الى السيد/ مدير إدارة الشئون .......... <<<<< حنيت على الدوام وقرائتي حق هالصيغ من الكتب هههههههههه ادري اني مو صاحية بس شسوي صارلي شهر الحين برة الدوام لان عندي دورة

مالكم شغل بالحجي اللي مكتوب فوق ^^^^ لان حده فيوزاتي ضاربة

ماعلينا من اللي انقال ونرجع حق موضوعنا المهم...

محد فينا مايحب يزيد من معرفته
ومحد فينا مايحب ان يكون اهوا اللي عارف كل شي ويجاوب على كل صغيرة وكبيرة عشان يبرز نفسه جدام الكل في شتى المواضيع
ومحد فينا مايحب ان الناس اتكلم عنه في كثرة معرفته لجميع الأمور..

مثل ما انا احب اني أفيد نفسي وأستفيد .. هم انا احب اني أفيدكم وياي

يا حلاة الشعور لما تقعد بين ناس ويتناقشون في موضوع معين وانت تدش وياهم بهالموضوع وتتناقش فيه وتبرز فهاميتك لهالموضوع
لكن اللي مو حلو انك تقعد بين ناس جنك طوفة عبيطة وساكت ومالك حس وماتدري شنو قاعد يسولفون عنه

الصراحة اليوم يايبتلكم خوووووش موقع
اعتبره انا كنز كبييير من المعلومات والمعارف
من خلاله الواحد يقدر يتعرف على اشياء كثيرة مايدري عنها من قبل
وهم من خلاله الواحد يقدر يدافع عن دينه وعقيدته وسنة نبيه
وهم يقدر ان يرد بكل ثقة واعتزاز لما يتناقش بهالموضوع مع ناس ملحدين او ديانتهم غير عن ديانتنا
وهم من خلاله راح يزيد ايمانه بالله سبحانه وتعالى اكثر واكثر

هالموقع فيه إفادة وإستفادة وزيادة علم بأمور دينا وسنة نبينا عليه الصلاة والسلام
هالموقع راح يفيد الكل، الكبير منهم والصغير
وان شاء الله تستمتعون باللي فيه
وان شاء الله تدعونلي عقب ماتستفيدون من هالموقع الحلو اللي حطه الدكتور عبدالدائم الكحيل يزاه الله الف خير والله على هالموقع العجيب
وعليكم بالعافية

الاثنين، 12 يناير، 2009

مفقود ويرجى البحث عنه

جنه عنوان البوست يشد ههههههه
صراحة ابي خدمه صغيرة منكم اذا ماعليكم امر
اكو مدونجي الله يذكره بالخير بوستاته كله عن الكمبيوتر وبرامج الكمبيوتر وسوالف كمبيوتر وشلون تمسح برنامج وشلون مالون ومن هالسوالف اللي تتعلق بالكمبيوتر والبرامج
الصراحة كنت قارية جم بوست حقه من زمااااان ومحتاجه ارد اقراله مرة ثانية لان ابي أطبق جم شغله بالكمبيوتر اهوا تكلم عنهم

فاللي يعرف اسم الاخ المدونجي اللي كلش مو قادرة اني اتذكر اسمه ياريت لو احد يساعدني ويذكرني باسم مدونته

وشاكرتلكم جزيل الشكر
ويزاكم الله الف خير

الأربعاء، 31 ديسمبر، 2008

تفكر ولو قليلا


عساكم عالقوة جميعا وعسى الله يعطيكم الصحة والعافية حق اللي عطى من عمره وتعب خلال هالسنة وهم حق البطاليين والعطاليين اللي فاخيين طول السنة بالنوم واللعب والنت والتلفزيون

بما ان السنة اليديدة باجر والسنة الهجرية كانت قبل جم يوم فأقولكم كل عام وانتوا بخير ان شاء الله وعسى الله يجعلها سنة خير وراحة وزيادة عبادة حق الجميع





بما ان الناس كلها مشتطة على هالكريسماس والتلفزيونات الكويتية والعربية تتكلم عن هالعيد المسيحي والاسوقة تبيع بسوالف الكريسماس ومن الحرة اللي فيني واشوفها جدامي فأبي اعرف ان شكو المسلمين بهالسالفة

يعني انتو يالكويتيين شلكم بعيد الكريسماس؟؟ شنو يصيرلكم عشان تحتفلون فيه؟؟

اشوف عيد الاضحى والفطر محد فيكم استانس جذي وتزهبله وعدّل وسنع حقه مثل ماتتسنعون وتتعدلون حق الكريسماس

ليش الناس جنهم يايين من كوكب ثاني ومايعرفون يفرقون بين دين الاسلام ودين المسيحية؟!! يعني مايعرفون يفرقون ان دين الاسلام له عيديين اللي اهما عيد الفطر وعيد الاضحى وان دين المسيحية عندهم اكثر من عيد اللي اهوا عيد الكريسماس وعيد الفصح وعيد الميلاد وعيد القيامة وعيد الفالنتاين وغيره وغيره من الاعياد اللي ماتخلص واللي الله ما أمر فيها!!
ليش دايما الناس يسوون نفسهم جنهم قليليين إيمان او جنه معرفتهم بدينهم سطحية؟!!
في وايد ناس يدرون ان هالاعياد ما لها شغل فينا وبدينا وفوق هذا يحتفلون فيهم
اذا الواحد يدور الوناسة من خلال هالاعياد فأنا اقول ان الواحد يقدر يدور الوناسة ويحتفل بأي يوم من أيام السنة بدون ما ان يحتفل فيها بأيام الاعياد المسيحية
شغله ثانية ودي اقولها ان الواحد او الانسان المسلم لما يحتفل بهالاعياد خل يعرف ان فعلته هذي ترى تدل على انه يأيد هالشي ويشجعه وراضي عنه ان يصير حتى اللي يهنون بعض بهالعيد ويحتفلون معاهم بهالعيد سواء هالاشخاص المسيح يعزون عليك او وياك بالدوام او حتى يصيرونلك فهالشي ترى حرام وذلك لان جنك تهنيه لسجوده حق الصليب وحق ديانته المسيحية
وللعلم ترى المسيح لي شافوا المسلمين يهتمون بهالاعياد ويحتفلون فيها ويهنونهم عليها يخليهم يستانسون ويفرحون من داخل ان اقدروا ان يغيرون شي بسيط في المسلم
حتى الرسول عليه الصلاة والسلام قال" من تشبه بقوم فهو منهم " يعني اذا بتهني وتحتفل بهالاعياد فهذا دليل على انك واحد منهم
هم في حديث ثاني يقول بما معناه يعني ان يبعث الناس يوم القيامة مع من يحبون
فمنو المسلم اللي يحب يكون مثل ربعه المسيحين ويبعث وياهم يوم القيامة؟!!!
الكل يتمنى ان يبعثون مع المؤمنيين وشيوخ الدين والصديقين، اما اللي عنده هالشي عادي فهذا له كلام ثاني
يا ناس الله كرمنا بنعمته ان جعلنا مسلمين .. يعني انا دايما اقول ألف الحمدالله والشكر اني ولدت على فطرة الاسلام وماصرت من ديانه ثانية
ودام الله اكرمنا بهالنعمة الطيبة فلازم نحاول ان نحافظ عليها ونسعى ورا تحقيق العمل في تقوية دينا الاسلامي والتعمق في تطبيق تعاليمه
ترى انا وحده حالي حالكم ومثلكم كل شي عندي عادي مو معناه كلامي هذا اني وحده دينة ومتشدده لكن انا وحده اهتم بضغائر الامور اللي البعض يجهلها ويحاول ان يتحاشاها وما يعمل فيها

فياريت الناس يفكرون شوي باللي يسوونه ويفجون عن هالسوالف وهالاعياد اللي مالها معنى

الأربعاء، 24 ديسمبر، 2008

حـــالة وتعدي ان شاء الله



مادري شفيني ..
فيني شي بس مو عارفة سبب اللي فيني..
ان شاء الله فترة بسيطة وتعدي

اسأل الله ان يعيد اليّ حالتي السابقة

وشاكرة حق اللي اسألوا عني

الأحد، 23 نوفمبر، 2008

حــاجبـي وحـاجبـج



أول شي لحد يقول هذي شكاتبه وشمهببة ولا شالقليلة الادب، لان كلامي كلش مافيه قلة حيا او قلة ادب
كلنا ناس فاهمين وعاقلين ونوزن الامور بعقلنا وكلن يرى الناس بعين طبعه

انا دايما احب اكتب اللي يخطر في بالي ويكون له تساؤلات عديدة
الصراحة صارلي فترة وانا افكر وافكر في اني لي متى بقعد احف حواجبي
من كثر ما اني اهتم بالاشياء الصغيرة اللي الناس ماتهتم فيها او ماتعطيها بال كلش قعدت افكر بقول الرسول عليه الصلاة والسلام " لعن الله النامصة والمتنمصة "
ولحد الفكر اللي كان عندي بتفسير هالحديث ان يعني اللي تغير من شكل حاجبها عشان يبرز جمالها الله يلعنها، فقمت وخليت حواجبي يطلعون مع ان حواجبي وايد خفاف وبس انظف فيهم بس فوق هذا قمت وخليتهم يطلعون لما شفت نفسي اني لازم انظف فيهم .. وبالفعل قمت وشلت شي خفيف يعني جم اشعره بس مع ان اللي تشيلي تقول خل اشيل هذي وهذي وانا اقولها لا بس مابي
وبعدها بيوم وصلني ايميل عن الحواجب وعرفت ان هالحديث ينطبق على اللي تشيل اي شعره من حاجبها سواء هالشي راح يغير من شكلها او ماراح يغيره

الشخص اللي سوا موضوع الايميل كان يقول:
ان شنو الحكمـــه من تحريم نمص الحاجــب ..؟ (( مع ان شكل الحاجب يؤثر بشكــل الوجه وجماله ))
وكان يقول ان مع انه متيقن من ان هنــاك حكمه لهالشي.. فمثل ما الله حرم الخمر لانه يذهب العقل ... و حرم الزنا لتخالط الانساب وانتشار الفاحشه .. و حرم لحم الخنزير ... وغيــره فإن هنـــاك حكمـــــه من تحريم نمص الحاجب ,,,
فقام ودور عشان يبي دليل ان شنو الحكمة او السبب من تحريم النمص
اول شي شاف ان رسولنا الكريم يقول ان من تنمص حاجبها فهي "ملعوونة"
وثاني شي يقول ان وحدة من الخوات اللي تزور مستشفى مكي جمعة التقت بدكتور متخصص في سرطان الثدي عسى الله يبعدنا ويعافينا من كل مرض ولما سولفت وياه شافت ان الدكتور يقولها ان النمص له علاقة بسرطان الثدي
حيث ان نمص الشعره الواحده من الحاجب يؤدي الى تجمد الدم وتأكسده في مكان الشعره ومن ثم نزوله بعد مده وعن طريق خلايا تؤدي مع مرور الوقت ومع تجمع العديد من نقاط الدم الناتجه عن النمص تؤدي لتحـول هذه الخلايا لخلايا سرطانيــه تسبب مرض" ســـرطان الثــــــدي"
ويقول الطبيب ان الخلايا تلك لاتتحول في وقت النمص يعني وقت ما الوحده تشيل الشعره لأ وانما تتحول بعد مرور السنوات عليهــا

وكلامه صح لان لو تفكرون شوي راح تشوفون ان لما الواحد يشيل اي مكان حساس بجسمه يعني اي مكان بالجسم البشرة تكون فيه حساسة عن باجي الجسم ويتألم راح يشوف ان لون بشرته راح يصير لونها احمر و راح تتحول لون البشرة مع الايام الى لون اغمج من لون البشرة الطبيعية وهالشي سألوا فيه وراح تعرفون
مثل لما الباب يصك على صبعك او لما يحوشك شي على زندك راح تشوف ان في اثر من هالطقة فاهوا مثل الشي وذلك لتجمع الدم في المكان المتألم



بالنسبة لي انا اشوف ان الله سبحانه وتعالى مايحرم شي الا اذا فيه حكمة وسبب
ماكو شي عبث بهالدنيا لان كل شي له حكمة مثل ما ان كل مرض له دواء فإن كل شي له حكمة
ومن خلال بحثي عن العلاقة بين الحاجب والصحة لقيت ان هم نمص الحاجب يؤدي الا تساقط شعر الحاجب وانه يصير خفيف من خلال هالكلام
It’s one thing to start losing the hair on your head, I mean really, that’s bad enough isn’t it? But it’s quite another when the hair you lose are the ones that shape and define your eyes, the prominent feature of your face that guides the most important part of conversation besides words, expression! Eyebrow hair loss can be just as devastating as losing the hair on your head, mostly because eyebrows are featured on the most recognizable part of your body, YOUR FACE! But it happens, and when it does, what are some of the most common causes for the loss of eye brow hair and even more so, what are the cures?
Loss of the eyebrow hairs can happen for an abundance of reasons, one in particular that you have total control over…OVER PLUCKING or TWEEZING! It’s quite common for people who take eyebrow grooming upon themselves to get a little over zealous and tend to take too much off of one while trying to make it even with the other. In the event that this should happen the worst part about it is the waiting until the eyebrow hairs grow back, but at least you know they will. In the mean time, penciling the eyebrows in with an eye liner or brow defining make up could be just the trick needed while waiting for time to take it’s toll on the regrowth of new hair. But if what if it doesn’t grow back?
Over tweezing or plucking of the eyebrow can also cause a skin condition known as traction alopecia. By plucking the hair immediately after it grows in the follicle is exposed and can have the tendency to dry up and crust over like a scab. It may be very hard to see when this happens as it won’t be as prominent as a scab produced from an open sore. The follicle then basically gets “trained” to not produce any more hair and goes into “retirement” When this happens, the cells stop generating in the follicle and the hair won’t grow anymore.

الواحد لازم يحمد ربه عالنعمة اللي ربي معطينا اياها دام ان عطانا نعمة الشعر وشعر الحاجب، في ناس مساكين عسى الله يشافيهم ماعندهم حواجب وقاعد يرسمون حواجبهم بقلم عشان يسوون نفسهم طبيعيين مثلنا، في ناس وايد تتمنى ان يكون عندهم حاجب مثلنا
في بنات اللهم لك الحمد والف الحمد يخلون حواجبهم جنه خيــط ليش جذي؟!! شالحكمة من انج تضعفين حواجبج جذي؟؟
ولا اللي الحين الحركة اللي هابين فيها اللي يطيرون حواجبهم جنهم بو العريف نص حاجبها مأكول بالموس وتطيره بقلم
ليش يعني تهولوون بنفسكم وبويوهكم؟ ربج عطاج نعمة ماعاطاها حق غيرج وتسوين جذي؟ على بالج حلوة يعني؟
يعني شوفوا هذي بروك شيدلز مع انها ممثلة وعارضة ازياء معروفة الا انها ماتحف حواجبها ومحد عيب عليها ولا على حواجبها
هل في امكانية انج تغيريين من فكرتج انج توقفين من حف حواجبج؟!! يعني لو شوي نفكر بالحديث " لعن الله النامصة والمتنمصة " راح نشوف انها قوية ان احنا ملعونيين واللعنة تفسيرها عند اهل العلم انها " الطـــرد من رحمــــة الله "
وعلى فكرة في ناس حواجبهم طوال تأذي عيونهم وهذيل عادي يقصون حواجبهم عشان مايأذون عيونهم



رياييلنا واخوانا سؤال موجه لكم انتوا؟
هل في امكانية ان تقول حق مرتك ولا اختك او رفيجتك لاتحفين لانك خايف عليها وعلى صحتها؟؟
هل في امكانية حق المتزوجين ان يشوف مرته مو حافة حواجبها ولا راح تلوع جبده من شوفتها؟؟
اشرايكم باللي تحف حواجبها واللي ماتحف حواجبها؟؟
هل ترضى ان تكون شريكة حياتك ماتحف حواجبها؟؟



الثلاثاء، 28 أكتوبر، 2008

غير طريقة صلاتك

كان يا مكان في قديم الزمان
قبل رمضان بجم شهر تم عمل محاضرة اسمها كيف تتلذذ بالصلاة!!
وباليوم اللي كانوا بسوون فيه المحاضرة انا كنت زايرة بيت يدتي ولابسة لبس ملون، ما وعيت إلا عماتي يبون يروحون المسيد الكبير عشان هالمحاضرة ولسوء الحظ انا ما ادري ان في محاضرة بهاليوم و ولا عندي عباة عشان ألبسها فطافتني هالمحاضرة ومارحتها والصراحة تمنيييت اني اروحها

بعدها بشهر تقريبا جان اسمع وحدة من البنات تقول ان بسوون محاضرة ثانية
قلت أيابااااااااه يااا يووم سعدج يا بنت بوند، ولكن للأسف حاشني ظرف وماقدرت اروح المحاضرة او الدرس الديني

بعد جم يووم مادري جم شهر لان ماعرف المدة هههههه يانا رمضان
وبعد جم يوم من رمضان قاعدة أفرفر بالستلايت ولا اشوف حاطين على قناة الكويت الاولى برنامج وكاتبين على جنب الشاشة كيف تتلذذ بالصلاة!!
الصراحة ماتدرون شنو الشعور اللي يااني
حدي حدي استااااانست لان كنت اتمنى لو كان في احد مسجل المحاضرات عشان اشوفها
وتحققت امنيتي وسواو جم حلقة ببرنامج عالتلفزيون

الصراحة الحلقات وايد وايد مفييييدة، في اشياء وايدة احنا غافلين عنها وما ندري عنها او فينا شوية نواقص باللي نسويه
وهالحلقات ان شاء الله راح تكمل هالنواقص اللي فينا وتعدل من اللي احنا قاعد نسويه
ويزاه الله ألـــــــــــــــــف خيـــــــر اللي سجل هالحلقات وحطهم عاليوتيوب ورتبهم بطريقة واااايد حلوة، والحلو فيه بعد انه حط شريط أبيض فيه دعاء صغير مكان شريط الاخبار لان مثل ما احنا عارفين شريط الاخبار يلهينا ويخلينا نسرح ومانركز بالشي
فعسى الله يجعل هالشي في ميزان حسناته يا رب

هالحلقة وايد اعجبتني لان فيها تفسييير عن اللي يمكر على الله
وايد كنت بوصل هالمعلومة مالت اللي يعرف ويسوي الغلط ويستغفر ربه ويرد يسويه مرة ثانية وصج ان الله يغفر حق عبده بس مو لما الانسان يمكر على الله
وان شاء الله تستمتعون مثل ما انا استمتعت من اول حلقة


http://www.youtube.com/watch?v=2OsY9nPNhDQ&feature=user

الجمعة، 24 أكتوبر، 2008

تصوير يوم الحشر

هالشي وايد قريناه بس ماقريناه بهالطريقة
صراحة وايد عجبني التسلسل في الاحداث وكيفية تصويرها تخلي الواحد يتصور هالشي وكأنه صاير بوضوح ..
وأتمنى ان احد يحس بالهاللحظة





سُكون يخيم علي كل شيء
صمت رهيب وهدوء عجيب ليس هناك سوى موتى وقبور
انتهى الزمان وفات الأوان

صيحة عالية رهيبة تشق الصمت

يدوي صوتها في الفضاء توقظ الموتى
تبعثر القبور
تنشق الأرض
يخرج منها البشر
حفاة عراة
عليهم غبار قبورهم
كلهم يسرعون يلبون النداء فاليوم هو يوم القيامة لا كلام
ينظر الناس حولهم في ذهول
هل هذه الأرض التي عشنا عليها ؟؟؟
الجبال دكت
الأنهار جفت

البحار اشتعلت
الأرض غير الأرض
السماء غير السماء
لا مفر من تلبية النداء
وقعت الواقعة !!!!
الكل يصمت الكل مشغول بنفسه لا يفكر إلا في مصيبته

الآن اكتمل العدد من الإنس والجن والشياطين والوحوش
الكل واقفون في ارض واحدة فجأة .....
تتعلق العيون بالسماء إنها تنشق في صوت رهيب يزيد الرعب رعبا
والفزع فزعا
ينزل من السماء ملائكة أشكالهم رهيبة
واقفون صفا واحدا في خشوع وذل
يفزع الناس يسألونهم أفيكم ربنا ... ؟؟؟!!!
ترتجف الملائكة

سبحان ربنا ليس بيننا ولكنه آت ...
يتوالى نزول الملائكة حتى ينزل حملة العرش
ينطلق منهم صوت التسبيح
عاليا في صمت الخلائق
ثم ينزل الله تبارك وتعالي في
جلاله وملكه ويضع كرسيه حيث يشاء من أرضه
فمن وجد خيرا فليحمد الله ومن وجد غير ذلك فلا يلمن إلا نفسه
الناس أبصارهم زائغة

والشمس تدنو من الرؤوس من فوقهم لا يفصل بينهم وبينها إلا ميل واحد
ولكنها في هذا اليوم حرها مضاعف
أنا وأنت واقفون معهم نبكي
دموعنا تنهمر من الفزع والخوف
الكل ينتظر ويطول الانتظار
خمســـــــــــــــــــــــون ألف سنة
تقف لا تدري إلى أين تمضي إلى الجنة أو النار
خمسون ألف سنة
ولا شربة ماء
تلتهب الأفواه والأمعاء
الكل ينتظر
البعض يطلب الرحمة ولو بالذهاب إلي النار من هول الموقف وطول الانتظار
لهذه الدرجة نعم؟؟؟!!!
ماذا أفعل..
هل من ملجأ يومئذ من كل هذا ؟؟؟
نعم فهناك أصحاب الامتيازات الخاصة
السبعة الذين يظلهم الله تحت عرشه
منهم شاب نشأ في طاعة الله
ومنهم رجل قلبه معلق بالمساجد
ومنهم من ذكر الله خاليا ففاضت عيناه
هل أنت من هؤلاء ؟؟؟
الأمل الأخير..
ما حال بقية الناس ؟
يجثون على ركبهم خائفين..
أليس هذا هو أدم أبو البشر ؟
أليس هذا من أسجد الله له الملائكة ؟
الكل يجري إليه ....
اشفع لنا عند الله اسأله أن يصرفنا من هذا الموقف ..
فيقول: إن ربى قد غضب اليوم غضبا لم يغضب مثله من قبل..
نفسي نفسي..
يجرون إلى موسى فيقول
نفسي نفسي ..
يجرون إلى عيسى فيقول
نفسي نفسي ..
وأنت معهم تهتف
نفسي نفسي .....
فإذا بهم يرون محمد صلى الله عليه وسلم
فيسرعون إليه
فينطلق إلى ربه ويستأذن عليه فيؤذن له
يقال سل تعط واشفع تشفع ..
والناس كلهم يرتقبون
فإذا بنور باهر انه نور عرش الرحمن
وأشرقت الأرض بنور ربها

سيبدأ الحساب ..
ينادي ..
فلان ا بن فلان ..
انه اسمك أنت تفزع من مكانك ..
يأتي عليك الملائكة يمسكون بك من كتفيك
يمشون بك في وسط الخلائق
الراكعة على أرجلها
وكلهم ينظرون إليك
صوت جهنم يزأر في أذنك ..
وأيدي الملائكة على كتفك ..
ويذهبون بك لتقف أمام الله للسؤال .....
ويبدأ مشهد جديد...
هذا المشهد سأدعه لك أخي ولك يا أختي
فكل واحد منا يعرف ماذا عمل في حياته
هل أطعت الله ورسوله محمد صلى الله عليه وسلم؟؟؟
هل قرأت القرآن الكريم وعملت بأحكامه ؟؟
هل عملت بسنة نبينا محمد صلى الله عليه وسلم ؟؟؟
أم اتخذت لك نهجا غير نهجه...وسنة غير سنته...
وكنت من الذين أخبر عنهم حين قال
وإنّ أمتي ستفرق بعدي على ثلاث وسبعين فرقة،
فرقة منها ناجية واثنتان وسبعون في النار.
فهل سألت نفسك من أي فرقة ستكون؟؟؟
هل أديت الصلاة في وقتها ؟؟؟
هل صمت رمضان إيمانا واحتسابا ؟؟؟
هل تجنبت النفاق أمام الناس بحثا عن الشهرة ؟؟
هل أديت فريضة الحج ؟؟؟ هل أديت زكاة مالك ؟؟؟
هل كنت باراً بوالديك ؟؟
هل كنت صادقا مع نفسك ومع الناس أم كنت تكذب وتكذب وتكذب؟؟
هل كنت حسن الخلق أم عديم الأخلاق ؟؟؟
هل ..وهل ..وهل ؟؟
هناك الحساب ....
أما الآن ...!!!
فاعمل لذلك اليوم...
ولا تدخر جهداَ
واعمل عملاَ يدخلك الجنة
ويبيض وجهك أمام الله يوم تلقاه ليحاسبك
وإلا فإن جهنم هي المأوى ..
واعلم أن الله كما أنه غفور رحيم هو أيضا شديد العقاب
فلا تأخذ صفه
وتنسى الأخرى ....

أشياء لن يسألك الله عنها
لن يسألك ما نوع السيارة التي تقودها ....
بل سيسألك كم شخصا نقلت بسيارتك ولم تكن لديه وسيلة مواصلات

لن يسألك كم مساحة بيتك .....
بل سيسألك كم شخصا استضفت فيه

لن يسألك كم كان راتبك ..
بل سيسألك كيف أنفقته ومن أين اكتسبته
لن يسألك ما هو مسماك الوظيفي ...
بل سيسألك كيف أديت عملك بقدر ماتستطيع
لن يسألك كم لك صديقاً...
بل سيسألك كم أخا لك في الله

لن يسألك عن الحي الذي عشت فيه.....
بل سيسألك أي نوع من الجيران كنت
لن يسألك عن لون بشرتك ....
بل سيسألك عن مكنونات نفسك ونظرتك للآخرين

وعسى الله أن يجمعنا في الفردوس الأعلى ويجعلنا أخوة متحابين في ظله
يوم لا ظل إلا ظله....
سبحانك اللهم وبحمدك أشهد أن لا إله إلا أنت أستغفرك وأتوب أليك